الممثل مروازي يدافع عن سناء عكرود في أول تعليق له بعد انتشار خبر الطلاق

مديرة الموقع24 سبتمبر 2019آخر تحديث :
الممثل مروازي يدافع عن سناء عكرود في أول تعليق له بعد انتشار خبر الطلاق

السلام عليكم ورحمة الله وبركاته
موقع مجلة مولاة الدار لكل ما يهم المرأة العربية molatdar.co
يقدم لك سيدتي:

الممثل مروازي يدافع عن سناء عكرود في أول تعليق له بعد انتشار خبر الطلاق.

بعدما نشرت الفنانة سناء عكرود على صفحتها الخاصة خبر انفصالها عن زوجها مروازي بعد مدة 10 سنوات زواج اجتاح الخبر مواقع التواصل كما وجهت عدة انتقادات للفنانة لم ترد عليها قط, لهذا السبب زوجها خرج بتدوينة على صفحته يفند كل الإشاعات التي راجت على طليقته…

قائلا ” اولا شكرا لكل الناس المحترمين لي تواصلو معانا انا وسناء و عبرو على الدعم و الاحترام و الحب ديالهم لينا، نحن ممتنان ليكم ، هادي اول مرة كنهضر بهاد الطريقة الخاصة، و هي اخر مرة بالتأكيد، انا عندي جواج واحد حقيقي هو مع سناء، معنويا اقصد و مشاركة و كلشي ، اخترت سناء لانها شخص مريح و قلبي بغاها و هي لي سانداتني و بقوة. بزاف عايرو سناء و طعنو فالعرض ديالها وعمرنا ما ردينا اولا، لأنها ماكانتش كتخليني، و دابا انا مسؤول على قراراتي بوحدي و بغيت نهضر ليكم عليها، سناء لا تستهلك مواقع التواصل، ما كتبغيش الزحام و الاضواء، سناء كتقضي وقتها فالقراية، فالكتابة و المشي و لا الرياضة و مع الولاد، عمرك ما تسمعها تكلم على الناس بالخايب و لا تحكم عليهم، سناء صاحبتي قبل مانتزوجو، عشيرتي، كاتمة أسراري، وسندي، المشاركة ديالها ليا قبل الجواج و اثناءه و بعده حيث حنا الأصل ماشي ورقة هي لي غتحدد لينا علاقتنا و الرحمة لي بيناتنا، الناس لي كتقول شفت جهة أخرى، سناء كتطلع البارة ، فما كتخليكش تشوف و لا تقلب، كيبان كلشي قدامها شاحب و تقليد، ماكنبالغش، كنكول الحقيقة لان ظلمتوها بزاف و ماتعطاهاش حقها فالاعتراف الإنساني، قدمات أعمال خطيرة و عرفات بالتراث و متعات و شكلات الوعي و الطفولة ديال بزاف د الأطفال، دارت افلام من انتاجنا الخاص، عجبو الناس و متعوهم، عندها واحد الشغف و الاحترام لهاد المهنة عمري ما شفتو عند شي حد، كظل تكتب و تفرح ملي تشوف شي عمل زوين ديال الزملاء و لا الأصدقاء. غيجي شي حد محدود الرؤية و يقولي ايوا لاش تفارقتو ملي هادشي كاين، هذاك شغلنا و اختيارنا و ذيك الورقة ديال والو لاشيء قدام الحياة و العائلة و المشاركة ديالي انا وياها، الزواج مرحلة و جزء صغير و ثانوي قدام الحياة الكبيرة و العامرة لي عطاتني سناء، اه غنكون مسؤول عليها دايما و غتكون مسؤولة عليا، اه دابا غندافع عليها اكثر حيث هي عائلتي، مابقاتش مراتي، هي أكبر، هي عائلتي منبعد وليديا و خوتي، و الولاد كيجيو منبعدها حيث هي لي دارتهم ليا، قالت انا ولدها ، اه انا ولدها ، و هي بنتي و عشيرتي ، و كان ضروري نهضر لان سناء عمرها ما غدافع على رأسها حيث بالنسبة ليها إهدار للوقت و الطاقة. شكرا للناس المحترمين و تسناونا فاعمال و تسناو سناء فمشاريع زوينة و ممتعة. شكرا. الله يعاونكم.”

زوارنا الكرام محبي موقع مولاة الدار لا تبخلوا علينا بتعليقاتكم, و المشاركة على صفحتنا في فيسبوك


الممثل مروازي,محمد مروازي,افلام محمد مروازي,شهرزاد عكرود,sanaa akroud et son mari,محمد مرسي,

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.