السلام عليكم و رحمة الله
موقع مجلة مولاة الدار لكل ما يهم المرأة العربية molatdar.ma
يقدم لك سيدتي : طريقة تحضير خبز التوست الرائع بالصور
المقادير:
نصف كيلو فورص
50ج زبدة مدابة
م.ك سكر
ملح
م.ك خميرة
حليب دافئ على حساب الدقيق
طريقة التحضير:
تجمعي كلشي بالحليب دافي ودلكيها مزياان ميقلش على 10 د
وتخليها تخمر 30 دقيقة
وطلقيها بالمدلك وتروليها بحال البكيط وتعمليها في قالب
يكون مدهون بالزبدة ومرشوش بالطحين
او مغلف بورق اليمينيوم تم دهنيه بالزبدة
حاولي تكرصيها بيدك في القالب باش تجي متساوية
سدي عليها وخليها تخمر واحد ساعة او اقل راها غادا تباليك طلعات تا الغلاقة
ومن بعد دخليها الفران سخون ونقصي عليه وخليها طيب
باش تعرفيها طابت تكيها بالقطيب الى خرج ناشف راها طابت ومتزوليهاش من القالب حتى تبرد واحد 15 دقيقة على الاقل باش يرجع عليها الصهد ويجي فتي وملي تقطعيها قطعيها بموس منشار
ملاحضة : بالنسبة للغلاقة ديال القالب دهنيها من الداخل بالزبدة
باش ملي تطلع العجين متلسقشي فيها راكلشي موضح في الصور
صورة نهائية لخبز التوست
بالصحة والعافية
