التصنيفات
طريقة تحضير كسكس الذرة بداز المغربي بالصور
8 فبراير, 2014 الطبخ المغربي

السلام عليكم و رحمة الله

موقع مجلة مولاة الدار لكل ما يهم المرأة العربية molatdar.ma
يقدم لك سيدتي :

طريقة تحضير كسكس الذرة بداز المغربي بالصور

شهيوة بلدية وأتمنى أن تعجبكم وتجربوها لأن بداز لذيذ بزاف وخصوصا اللي تحضر بالدجاج البلدي .

المقادير :

– لحم دجاج
– 4بصلات مقطعين
– 4مطيشات منقيين ومقطعين على 2-
– 2 معالق صغار إبزار
– 2 معالق صغارسكين جبير
– 2 معالق صغارخرقوم
– ملح
– نصف كاس زيت عادي
– ربيطة قزبر ومعدنوس
– نصف زلافة حمص
– خضر اللي كتجي في الكسكس أنا درت القرع بأنواعه واللفت والجزر
– فلفل حار وسمن حار
– ودقيق الدرة كلما كان رقيق يجي أحسن والماء تقريبا لتر ونصف .

طريقة التحضير :

في الطنجرة ندير الدجاج والبصلة ومطيشة والزيت والإبزار وسكين اجبير والخرقوم و الملح ونخليه يتشحر من بعد نضيف الحمص والماء غير يغلى نضيف الخضر باش تطيب مع الدجاج وندير ربطة ربيع وفلفل حار . ( بداز مكيتكسكسش بحال الكسكس )

وناخد دقيق الدرة ونرشو بالماء ونظغط عليه بيدي (نعركوا )

ونديرو يفور وملي يفور نخويه في القصعة ونرشو بالزيت والماء وشوية ملح ونخليه يشرب شوية

 

 ونردو يفور مرة تانية

وملي يفور نخويه في القصعة ونضيف ليه السمن ونرشو

ونضيف للطنجرة شوية سمن حار ونقاد الملح و نرجع بداز يفور

السمن كيدار في بداز قبل الفورة الأخيرة ماشي بحال كسكسو حتى للأخير لحقاش بداز كيتردم يعني بمجرد ميفور المرة الأخيرة يتسقى فورا ميتبردش وإلا ميشربش المرق .

او كنسقيو بداز بالطريقة التقليدية بحال الكسكس العادي

نديرو بداز و نحطو الدجاج في الوسط ثم نحطو فوقو الخضر و نسقيوه بالمرق

نتمنى يعجبكم لأنه لذيذ بزاف والذرة خفيفة وصحية.

– للمزيد من وصفات الطبخ المغربي من هنا
– للمزيد من وصفات الصحة و الرشاقة من هنا
– للمزيد من وصفات جمال صقلي من هنا
– للمزيد من وصفات الجمال من هنا
 

Advertisement
اترك تعليقاً