قهراتك لغمولية عندي ليك الحل في 5 دقائق

مديرة الموقع11 مايو 2014آخر تحديث :
قهراتك لغمولية عندي ليك الحل في 5 دقائق

السلام عليكم و رحمة الله

موقع مجلة مولاة الدار لكل ما يهم المرأة العربية molatdar.ma
يقدم لك سيدتي : موضوع من الاخت  ام سلمان و عمران جزاها الله خيرا

عندك الغمولية في الحوايج وكحلين بالغمولية دخلي عندي الحل في 5دقائق

اليوم صبنت وواحد السربيتة “زيف” شفتو غمل ولا كله منقط بالغمولية ايوة بغيت نلوحو واخة باقي جديد

شوية وانا نتفكر “بيكربونات الصودا” اصلا ديما عندي في الدار عندي بحال الخبز ضروري خصها تكون للفوائد التنظيف الي فيها

المهم مشيت شديتها وكبيت كمية كبيرة على المنطقة الي فيها الغمولية وكبيت جافيل وخليت الخليط فيها عاقد وخليتهم يترقدو جهد 5دقائق المهم حتى كملت رجع شفت البقع الي فيها الغمولية كلها مشات بحال كنت كنكذب وبلا تمارة شليت السربيتة لقيتها كتشعل

ونزيدك اي حاجة عندك موسخة معليك غير بيكربونات الصودا هي الي غتهنيك يمكن ليك تحكي بيها المرحاض والقصعة ديال المرحاض “اعزكم الله” اولفابو وربينيات
الصفورية الي في الزليج
وحتى اليا عندها الرطوبة في الدار معليك غير ترشي بيكربونات تحت المضارب مثلا هما كيشدو الغمولة بزاف او في البلاكارات او اي حاجة عندك في الرطوبة والغمولة

خذيها عند الصيدلية 3دراهم للباكية لا غلا على مسكين

قهراتك لغمولية عندي ليك الحل في 5 دقائق

اليا كنتي غتستعمليه للمناطق الكحلة مثلا بيت الزليجة و والزليجة اومثلا في مناطق ضيقة متوصليهاش
ديري عجينة بحال الي في الصورة واستعني بشتة السنان

قهراتك لغمولية عندي ليك الحل في 5 دقائق 1

والاخوات الي كيعانو من الغمولية الي في الخشب شدي شوية الما والخل وبيكربونات الصودا وديريها في “بخاخ” بحال هذا كيديرو ب 5دراهم في السوق

قهراتك لغمولية عندي ليك الحل في 5 دقائق 3

ورشي بيه الخشب ومسحيه في الاخير مزيان وخليه يتشمش شوية صافي وردي لبلاصتو
الي نجحات معها التجربة تدعي معاي ربي يفكني على خير ويرزقني بنت صالحة تقية

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.