تحضيرات لشهر رمضان

مديرة الموقع6 يونيو 2014آخر تحديث :
تحضيرات لشهر رمضان

تحضيرات لشهر رمضان،تحضيرات رمضان،شهر رمضان 2014،نادية الجهري،شهيوات رمضان،حلويات رمضان،شهيوات رمضان 2014،شهيوات،شهيوات 2014،وصفات رمضان 2014،وصفات رمضان،شهيوات ساهلين

 

السلام عليكم و رحمة الله

موقع مجلة مولاة الدار لكل ما يهم المرأة العربية molatdar.ma
يقدم لك سيدتي : تحضيرات لشهر رمضان.

هادا البطبوط عادي الطحين الحرش والفورص الخميرة والملح صافي يتعجن غير يخمر نبدا نطيبو فالمقلة سخونة بلا زيت غير كيبرد نفرقو فالميكات ونديرو فالمجمد
تحضيرات لشهر رمضان1

تحضيرات لشهر رمضان2
سلو درت كيلو طحين محمر مزيان +كيلو لوز مفسخ ومقلي النص طحنتو مزيان والنص غير هرمشتو مزيان خيت راجلي ما كيبغيش الطريفات كبار ديال اللوز اما فدارنا كنهرمشوه غير شوية +كيلو زنجلان محمر النص مطحون مزيااااااااااااااااان باش يخرج الزيت ديالو والربع مهرمش والربع الاخير صحيح +
ثلات معالق كباار نافع وحبة حلاوة +2 معالق كبار قرفة +نصف كوزة محكوكة+المسكة الحرة ما كانتش عندي ما درتهاش+السكر كلاصي درت جهد كاس صافي +العسل +الزبدة مدوبة انا دوبتها وخليتها جمدات عاد درت تقيبة وخويت الماء واللبن اللي فيها عاد عاودت دوبتها+الزيت اللي قليت فيه اللوز وشي كاس اخر طيبتو باش ما تجيش الزبدة غالبة.
صافي ومن بعد اراك للدليك باش يتخلطو العناصر مزيان ويجي معلك.
تحضيرات لشهر رمضان3

تحضيرات لشهر رمضان4

تحضيرات لشهر رمضان5

تحضيرات لشهر رمضان6
المحينشات ديال الكفتة العجين السحري المعروفة انا كتعجبني هي اللي كنعتامد فالمملحات
2 كيسان دقيق+2كيسان ماء+2معالق سنيدة+2معالق حليب نيدو اختياري+معلقة خميرة دالخبز نخلطو هاد الشي يمكن فاليكسور نخليوه 10 دقايق غير تكمل 10 دقايق نزيدو نصف كاس زيت +الدقيق اللي يجمع لنا العجين صافي ونبداو نخدمو بها
الحشوة:
البصلة مشلضة+خيزو محكوك+الشمبينيو+العدنوس+الكفتة+الملح+البزار+الفلفة مقطعة قطع صغيرة
كنديرو البصلة اتشحر فالزيت تدبل شوية نزيدو عليها الفلفلة ثم خيزو محكوك ثم الفطر المعلب عاد الكفتة والربيع والعطرية ونبقاو نحركو ونفتتو الكفتة صافي نخليوها تبرد ديك الساعة نبداو نعمرو كيف موضح فالصور من الاحسن توجد الحشوة هي الاولى عاد العجينة

تحضيرات لشهر رمضان7
هادا العسل صدق ليا غزال
أنقر هنا للحصول على الرابط
تحضيرات لشهر رمضان8

تحضيرات لشهر رمضان9

تحضيرات لشهر رمضان10

تحضيرات لشهر رمضان11

تحضيرات لشهر رمضان12
هادو شوصون بالكفتة والسبانج كيجيو بناااان بزاف
العجين ديال ديما.
الحشوة البصلة+السبانخ+الكفتة+الكاشير+الفرماج احمر+جبن+بزار+الملحة شويييييييييييييييييييييية حيت كاشير مالح والفرماج والعجينة حتى هي فيها الملح
نشحرالبصلة مع زويتة نزيد عليها السبانخ انا استعملت ديال المجمد واجدين بلا ما نسلقهم او نشفهم من الماء نزيد عليهم الكفتة وانا كنفتت فيها من بعد نزيد البزار صافي ملي تبان ليا طابت نحيدا من فوق العافية ونزيد عليها الجبن انا استعملت جبن الريكوطا صافي نبدا نعمر كيف موضح فالصور الكاشير محكوك هو الاول عاد الحشوة وفالاخير الفرماج ونسدو ونتكوهم بالفورشيط
تحضيرات لشهر رمضان13

تحضيرات لشهر رمضان14

تحضيرات لشهر رمضان15

تحضيرات لشهر رمضان16
هادي الشباكية بمقادير ديال نادية الجهري انا غيرت فيها شوية
الخليط الاول
كاس صغير مخلط زيت رومية وبلدية +2 كيسان زبدة دايبة وصفية+كاس صغيرونصف خل+كاس صغير ماء زهر+الزعفران الحر+الملون الاصطناعي انا مادرتوش+معلقة صغيرة من خميرة الخبز+بيضة كاملة واصفر انا درت 2 اصفر البيض
الخليط الثاني
كيلو ونصف طحين+ رابعة جنجلان محمر غير شوية ومطحون مزياااان انا درت نصف رابعة لوز حمرتو وطحنتو بقشورو ونصف رابعة جنجلان+كيس من خميرة الحلوى+3 معالق كبيرة من النافع المطحون+معلقة صغيرة من مسحوق القرفة+راس معلقة صغيرة ملح+كوزة وحدة انا درت غير النصف+شويية دالماء دافئراس معلقة من المسكة البلدية انا ماعنديش ما درتهاش
كندوبو الزبدة ونخلطوها مع الزيت والماء زهر والخل كل المقادير الولين
ندوزو للخليط الفاني نخلطو ه ونزيدو عليه الخليط الاول ونقسموها ونخليوها ترتاح شوية صافي ونبداو نسرحوها بالمدلك ونشبكوها كيف معروف نقليوها فالزيت ونطفيوها فالعسل مسخنينو غير القلية الولى نطفيو على العسل حيت الشباكية غاديا تسخنو لينا صافي نحطوها فشي كسكاس باش يهبط منها العسل اللي زايد ونرشو عليها الزنجلان انا كنرش بالقرعة معمراها بالجنجلان ودايرا لها تقيبات فالغكاء ديالها باش ما نبقاش مربجة مع الجنجلان اللي غيلسق ليا فيدي مع العسل.

اترك رداً على iman moutacharrif إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

التعليقات تعليقان
اكتب ملاحظة صغيرة عن التعليقات المنشورة على موقعك (يمكنك إخفاء هذه الملاحظة من إعدادات التعليقات)
  • iman moutacharrif
    iman moutacharrif 7 يونيو 2014 - 1:42

    Tbarklah 3lik o chokran 3la l ma9adir o sowar