السلام عليكم و رحمة الله
موقع مجلة مولاة الدار لكل ما يهم المرأة العربية molatdar.ma
يقدم لك سيدتي : كيكة بالمونادا لذيذة بزاف و كتحمق.
هاد كيكة تعلمتها من اختي ورتها ليها واحد الالمانية كتجي هشيشة وزوينه ويمكن تعتمديها بحال تارت .
المقادير:
3 او 4 بيضات حسب الحجم
كاس عنبة زيت
كاس عنبة سكر
3 فاني
100 مل مونادا اورانج
وخمارة الحلوى واحدة
و 250 غرام طحين
الطريقة:
اولا كنحمعو البيض و السكر و الفاني و نخلطو مزيان بالخلاط الكهربائي ونضيف الزيت و الطحين و 1 خمارة الحلوى نخلطو مزيان
وفي الاخير عاد كنضيفو المونادا هادا السر باش كتجي الكيكة هشيشة راه هي طارط غير انا درتها بحال كيكة راه تقدري تقسميها على 2 وتعرميها بالكريم وتجي بحال طارط
نوضعوها في صينية كبيرة الا عندك شكل مربع عطيحا فيها ولا غير اللي درت انا دائري وطين من 20 حتى 25 دقيقة و التزيين على حسب ذوقكم.
انا زينتها بصوص شكلاط ودرت من فوقها طونيك محكوك.
